Kompania gjermane M-sense publikoi një mesazh në Twitter duke krahasuar logon e Meta me logon e saj, duke treguar se ato janë pothuajse identike.
Postimi u bë viral dhe përdoruesit e Twitter u përgjigjën me disa shembuj të tjerë.
“Ne jemi të nderuar që logoja e aplikacionit tonë është frymëzuar nga Facebook – ndoshta ata do të frymëzohen nga rregullat tona të privatësisë së të dhënave”, shkruan shkurtimisht ata në llogarinë zyrtare në Twitter.
Disa përdorues në përgjigje të tweet-it prezantuan disa shembuj të tjerë të logove identike, si ato të përdorura nga Webex, Mobius, Microsoft.
Rrjetet sociale prej disa ditësh janë mbushur me reagime për lëvizjen e re të biznesit të Mark Zuckerberg.
Në fund të muajit tetor, miliarderi njoftoi se ky hap përfaqëson riemërimin e kompanisë, gjë që u prit me dënime të shumta.
