Zhvillimi i agroturizmit ka njohur rritje gjatë viteve të fundit. Në mbarë vendin sot numërohen gjithsej 260 sipërmarrje në këtë sektor, të cilat shërbejnë jo vetëm për rritjen e punësimit por edhe të zhvillimit të zonës duke rritur numrin e vizitorëve të cilët zgjedhin të pushojnë pranë tyre. Sipas Ministrisë së Mjedisit dhe Turizmit, vetëm në dy vitet e fundit qeveria ka dhënë 5 milion euro grante, atyre personave të cilët kanë aplikuar dhe kanë ngritur një sipërmarrje të re në agro-turizëm.
Këto ferma ofrojnë për vizitorët produktet lokale , gatimet tradicionale dhe eksperiencën e posaçme që ofron fshati përmes kësaj dege të re në zhvillim të turizmit shqiptar. Lehtësirat fiskale për këtë sektor kanë qenë bërja 5% e TVSH dhe 7% e tatimit mbi fitimin si dhe 0 taksë për infrastrukturën.