Nëse ka një gjë që na mban mbërthyer pas ekranit të Big Brother VIP Albania 5, nuk janë vetëm dramat dhe lotët, por edhe ata banorë që e dinë se si të bëjnë pak komedi të pastër. Shëndriti ka goditur sërish, dhe këtë herë ka shënjestruar direkt e në zemër të dinamikave një nga çiftet më të komentuara të shtëpisë.

Gjatë qëndrimit të tij gati dy mujor në formatin e këtij viti, ai ka arritur të ndërtojë një portofol të tërë me momente “funny” që bëjnë xhiron e rrjeteve sociale brenda minutit. Këtë radhë, objektivi i tij ishte Brikena dhe raporti i saj plot ulje-ngritje me Mateon. Në një moment që u kthye menjëherë në meme, Shëndriti vendosi të marrë rolin e saj duke lëshuar me humor frazën ikonike që me siguri do e dëgjojmë shpesh nga tani e tutje nëpër TikTok: “Basta Mateo!”.

Në vend që të plaste një nga ato debatet tipike ku gishtat drejtohen në fytyrë e ku tonet ngrihen në qiell, kjo skenë solli të qeshura pafund. Vetë Brikena dhe Mateo e kanë pritur imitimin me një sportivitet të paparë, duke u shkrirë së bashku me pjesën tjetër të banorëve dhe duke na treguar qartë se, jashtë tensioneve të lojës, ata dinë të qeshin edhe me veten e tyre.

Ndërkohë, videoja nuk humbi kohë për të pushtuar platformat, duke e rikonfirmuar Shëndritin si mjeshtrin e situatave virale pa pasur nevojë të krijojë zhurmë artificiale nëpër shtëpi. Kush tha që vëmendja dhe lajmi fitohen vetëm me sherre të stisura? Ndonjëherë mjafton një imitim fiks në shenjë. /Prive By Liberta Spahiu