Interi ka arritur marrëveshjen me Union Saint Gilloise për Anan Khalaili. Pasi iu refuzua oferta e parë për 20 milionë euro plus bonuset, klubi zikaltër e rriti ofertën në 23 milionë euro plus bonuset, por edhe kjo ofertë u refuzua dhe më në fund kampionët e Italisë bënë lëvizjen e radhës.

Oferta e tretë ishte 25 milionë euro plus bonuset, dhe këtë radhë Union Saint Gilloise që kishte kërkuar 30 milionë euro vendosi ta pranojë. Thelbësor në këtë vendim final, rezultoi takimi i drejtpërdrejtë mes drejtuesve të të dy klubeve dhe kështu që u zgjidh gjithçka.

Tani Chivu mund të festojë sepse do të ketë në dispozicion të tij pasuesin e Dumfries të larguar në drejtim të Realit të Madridit. Khalaili do të mbërrijë në Milano për t’iu nënshtruar vizitave mjekësore gjatë fundjavës për t’iu bashkuar më pas grupit për nisjen e përgatitjeve pëe sezonin e ri. Futbollisti do të nënshkruajë me Interin një kontratë 4 vjeçare me pagë 2.2 milionë euro në vit.