Ish-qiramarrësit në ish-pronë private mund të përfitojnë kredi me 0% interes, në kuadër të skemave të mbështetjes për strehimin e familjeve përfituese.

Ministrja e Ekonomisë dhe Inovacionit, Delina Ibrahimaj, ka bërë të ditur se Enti Kombëtar i Banesave ka informuar qytetarët mbi dokumentacionin që duhet të plotësojnë për të aplikuar për kredi me interes zero.

Sipas Entit Kombëtar të Banesave, dokumentacioni i nevojshëm përcaktohet në bazë të vendimit të Këshillit të Ministrave të datës 31 korrik 2025.

Dokumentet që kërkohen për aplikim janë:

• Vërtetim për përfitimin e statusit të banorit në ish-pronë private;
• Dokumentacion që vërteton marrëdhënien e qiramarrjes;
• Vërtetim negativ i pronësisë, që dëshmon se aplikanti nuk zotëron pronë;
• Vërtetim nga organet tatimore se aplikanti nuk është subjekt i TVSH-së;
• Certifikatë familjare;
• Dokumentacioni për kthimin e pronës.

Subvencionimi i interesit të kredisë në masën 0% financohet nga Buxheti i Shtetit dhe synon të ulë barrën financiare për familjet që përfitojnë nga kjo skemë strehimi.

Skema synon t’u mundësojë ish-qiramarrësve në ish-pronë private akses më të lehtë në financim për strehim, përmes kredisë me interes zero.

Enti Kombëtar i Banesave u bën thirrje qytetarëve që plotësojnë kriteret të njihen me dokumentacionin e kërkuar dhe të ndjekin procedurën e aplikimit përmes platformës e-Albania.

#Kredi #KrediPaInteres #0Interes #EAlbania #IshQiramarrës #Strehimi #EntiKombëtarIBanesave #DelinaIbrahimaj #Buxheti #Shqipëri #Lajme