Gjykata Themelore në Prishtinë ka aprovuar kërkesën e Prokurorisë për caktimin e masës së paraburgimit prej një muaji ndaj Gani Gecit, i dyshuar për kanosje ndaj gazetarit Lirim Mehmetaj.

Vendimi është marrë pas një seance dëgjimore që ka zgjatur gati dy orë në Pallatin e Drejtësisë në Prishtinë.

Gjatë kësaj kohe, familjarët e Gecit kanë qëndruar në ambientet e Gjykatës, duke pritur vendimin lidhur me masën e sigurisë ndaj tij, shkruan Sinjali.com

Në seancë është shqyrtuar kërkesa e Prokurorisë për paraburgim, ndërsa mbrojtja ka pasur mundësinë të paraqesë kundërshtimet e saj.

Me vendimin e Gjykatës, Gecit i caktohet masa e paraburgimit në kohëzgjatje prej një muaji. /Prive By LS