Historia është përcaktuese e një vendi, është pjesë e pandashme e identitetit kombëtar si dhe një faktor dëshmues për ngjarje që lidhen drejtpërdrejt me të kaluarën e tij. Historia na përball me fakte të zakonshme në situata të jashtëzakonshme, duke na rikujtuar se disa prej të tyre të cilat dikur mund t’i kemi nënvlerësuar, në fakt janë ende prezente për të na përballur edhe një herë me vlerat krenare dhe të pamposhtura që mbartin, vlera domethënëse të transmetuara brez pas brezi e kohë pas kohe.
Për t’ju rikujtuar rolin e pavdekshëm të tyre, në artikullin e sotëm kemi renditur 5 ndër vendet më të bukura historike të Shqipërisë:
#1 Parku Kombëtar Arkeologjik i Butrintit
Parku Kombëtar Arkeologjik i Butrintit i ndodhur në Shqipërinë tonë të bukur, është një vend historik mahnitës që ruan krenar mbetjet e epokave të ndryshme historike si ato Greke, Romake, Bizantine etj. Këtu, ka ende gërmadha të kësaj zone të cilat mbajnë mes tyre shenja të kohërave të ndryshme historike. Një relike e tillë është teatri grek. Rrënojat e tjera historike përfshijnë një banjë romake për pagëzim, një bazilikë dhe një vend të shenjtë i cili dikur përdorej si një vend shërimi, kushtuar perëndisë greke të mjekësisë. Muzeu i vendit është gjithashtu shumë i gjerë dhe i pasur. Parku Kombëtar Arkeologjik i Butrintit është pjesë e trashëgimisë botërore të UNESCO-s në Shqipëri.
#2 Kalaja e Krujës
Një ndër faktorët që i bën vendet historike të konsiderohen të jashtëzakonshme e plot vlera, janë pikërisht ngjarjet që i përkasin epokave të ndryshme të tyre, por që në një farë mënyre ende mbartin në rrënjët e tyre fakte e dëshmi të rëndësishme. Si vend të tillë përmendim Krujën, qytet i cili ka luajtur pjesë të rëndësishme në historinë e Shqipërisë, në periudha të ndryshme kohore. Kalaja e Krujës është “monumenti” më interesant dhe kryesor i këtij qyteti. Kjo kala pati ndikim të madh kur një seri rrethimesh ndodhën nga mesi deri në fund të shekullit XV nga Skënderbeu kundër Perandorisë Osmane në Shqipëri. Sot e kësaj dite, brenda kalasë ndodhet një muze dhe mbetjet e disa relikteve të cilat i përkasin epokës së kaluar historike.
#3 Kalaja e Beratit
Ashtu si Butrinti, edhe qyteti i Beratit është një qytet i bukur i Shqipërisë ku miksohet trashëgimia e dikurshme e epokës së lashtë. Historianët thonë se Berati ka shenja të kulturës Greke, Romake, Bizantine si dhe Bullgare, Serbe etj. Kështjella e Beratit me pamje nga qyteti është mbresëlënëse. Kjo kala antike që mund të datojë që nga koha romake. Por struktura aktuale i përket shekullit të 13-të pas Krishtit. Ju mund të shihni rrënojat e xhamive dhe kishave; po ashtu brenda kalasë ka muze të cilin mund ta vizitoni. Qyteti i Beratit është trashëgimi e UNESCO-s.
#4 Amfiteatri i Durrësit
Nëse doni të vazhdoni turneun tuaj historik të Shqipërisë, atëherë mund ta bëni këtë duke vizituar amfiteatrin me famë botërore të Durrësit. Ky amfiteatër thuhet se është një nga amfiteatrot më të mëdhenj të ndërtuar nga romakët në Evropë. Thuhet gjithashtu se ky është më i madhi në rajonin e Ballkanit. Historianët thonë se ajo u ndërtua gjatë sundimit të perandorit Trajan në shekullin e 2 pas Krishtit. Ai vazhdoi të funksionojë deri në shekullin e 4-të. me një kapacitet prej 20,000 njerëz. Akoma është një nga vendet më të vizituara të Shqipërisë.
#5 Apollonia
Apollonia është ndoshta atraksioni më i njohur historik dhe i përgjithshëm turistik i Shqipërisë. Është një vend antik ku dikur jetonin njerëzit ilirë. Më vonë grekët krijuan qytetin në bregun e lumit Aous. Romakët e morën atë në shekullin e 3-të para Krishtit dhe qyteti u bë i begatë nën sundimin Romak. Qyteti humbi rëndësinë dhe lavdinë e tij pas një tërmeti që e bëri lumin të ndryshojë rrjedhën e tij. Aktualisht vizitorët mund të shohëin arkitekturën e mrekullueshme romake ose klasike evropiane në forma të shtyllave, mureve, teatrit, bibliotekës, vendeve të adhurimit etj. Ekziston dhe një muze që përmban forma të mrekullueshme arti. Këto përfshijnë objekte interesante, mozaik etj.
