Ajo është një prej njerëzve më të shikuar në Snapchat dhe një prej njerëzve më të ndjekur në Instagram, me gati 130 milionë ndjekës thonë konsulentët e marketing-ut të GELDTrade.al. Në moshën 21 vjeçare, Kylie Jenner është miliarderja e parë “self-made” (që arriti këtë status me forcat e veta) në SHBA.
Edhe pse shumë njerëz mund të ngrenë një vetull kur dëgjojnë termin “self-made” (pasi fakti që vjen nga një familje e famshme i ka dhënë një avantazh për të cilin sipërmarrësit vetëm mund të ëndërrojnë,) prapë se prapë ajo ka përdorur influencën dhe burimet e saja për të krijuar një perandori kozmetike që markat më të suksesshme në industrinë e bukurisë kanë punuar me vite ta arrijnë.
Kylie filloi të mprehte aftësitë e saja të sipërmarrëses që kur ishte adoleshente, kur ajo dhe motra e saj, Kendall, debutuan linjën e tyre të parë të tekstilit te quajtur PacSun. Por viti 2015 ishte koha ku Kylie Jenner mori hapin e saj më të madh duke lançuar biznesin kozmetik, Kylie Cosmetics. Ajo debutoi tre lloje “kuti buzësh” të cilat u shitën për një minutë. Që atëherë, marka e saj përfshin grim për sytë, “kylighters” dhe mjete për makeup-in. Kompania e saj tani ka vlerë mbi një miliardë dollarë.
E pëlqejmë ose jo Kylie Jenner, të gjithë mund të mësojmë shumë nga ajo.
- Fokusohu në atë që të pëlqen
Kylie ka zbuluar pasionin e saj për modën dhe kozmetikën në një moshë të vogël, dhe këtë dashuri e shndërroi në një kompani miliardë-dollarëshe. Si adoleshente, ajo u ndje keq për buzët e saj pasi dikush i tha që i kishte shumë të vogla.
U obsesionua aq shumë sa që mësoi si të aplikonte buzëkuqin në një mënyrë që i bënte buzët e saj të dukeshin më të plota. Shpenzoi shumë kohë nëpër dyqane, duke parë tutoriale në YouTube, dhe duke pyetur profesionistët e kozmetikës si të krijonte buzët perfekte me anë të makeupit. Në fund, kjo pasiguri u bë edhe inspirimi i saj kryesor për kompaninë që krijoi.
- Gjej gjënë e veçantë që ofron vetëm ti
Si anëtarja më e re e familjes Jenner-Kardashian, Kylie mësoi shumë herët që do duhej ta diferenconte veten nga motrat e saj glamoroze. Ajo zgjodhi të vinte në pah kualitetet e saj unike dhe lejoi stilin e saj kreativ të lulëzonte – duke përfshirë stilin e flokëve dhe sigurisht, buzët e saj.
Ajo gjeti vendin e saj në idustri duke mbledhur një numër të madh ndjekësish të devotshëm dhe duke i ofruar një produkt që ata do donin ta blinin. U fut në një treg që e njihte shumë mirë, dhe vazhdon ta ketë gjithë vëmendjen që i duhet.
- Merrja më të mirën daljes në publik
Si pjesa tjetër e familjes së saj, Kylie e njeh shumë mirë fuqinë e publicitetit. Nëse na kanë treguar një gjë anëtarët e klanit Kardashian-Jenner, është se ekspozimi – i mirë apo i keq – mund të përdoret në avantazhin tënd, duke përdorur pak kreativitet.
- Përdor pikët e tua të forta
Kylie mësoi të shfrytëzonte asetet e saj – sensin e saj të modës dhe bukurisë, pamjen e saj joshëse dhe aftësinë në rrjetet sociale – për të ndërtuar një perandori të bukurisë kur ishte vetëm një adoleshente. Ajo është marka; prjekton “Kylie Cosmetics” në gjithçka që bën.
Por gjithashtu e di shumë mirë që nuk kupton gjithçka në botën e biznesit, kështu që ka kërkuar ndihmë në disa fusha. Ka rrethuar veten me njerëz të cilëve i beson dhe mund të mbështetet tek ta.
Kjo ka mbajtur biznesin e saj të thjeshtë por shumë efikas, që do të thotë se mund të sjellë shumë më shumë të ardhura pa patur nevojë të përballet me problemet e përditshme të udhëheqjes së një biznesi. Kjo e lejon të fokusohet në problemet më të mëdha dhe të mbajë kualitetin e produkteve të saj në nivelin e duhur.
- Audienca është kryesorja
Auedienca e Kylie-t përbëhet kryesisht nga ndjekësit që ka në rrjetet sociale – përgjithësisht gra të reja dhe adoleshente – të cilat presin me padurim secilin prej posteve të saj të kuruara që poston. Ajo përdor rrjetet sociale për të shitur produktet e saj, por gjithashtu krijon një kontent i cili do e mbajë audiencën të interesuar.