1. Raftet e hapura me rrëmujë

Raftet e hapura janë vendi i përsosur për ruajtjen e librave dhe sendeve të ndryshme të vogla apo dekoreve. Sidoqoftë, këto rafte s’duhet të mbingarkohen me shumë gjëra. Raftet duhet të “marrin frymë” dhe objektet duhet të vendosen në mënyrë që të ketë hapësirë midis tyre.

2. Librat e vjetër

Pothuajse të gjithë përpiqen të tregojnë çdo libër që kanë në shtëpi, por ky është një gabim i madh. Në mënyrë që raftet e librave të duken sa më elegantë, sigurohuni që të mos vendosni libra shumë afër njëri-tjetrit ose të zini të gjithë hapësirën e lirë me to. Mund të vendosni dy-tre pirgje të vogla librash në një raft dhe të lini hapësirë të lirë për elemente të ndryshme dekorative midis tyre. Sigurisht në rastet kur keni një bibliotekë të plotë, atëherë është normale që raftet të jenë plot me libra.

3. Jastëkët

Jastëkët dekorativë janë një element elegant, por duhet bërë kujdes me këtë lloj dekori. Mos e teproni me sasinë apo dizajnin dhe organizojini ato gjithnjë.

4. Mobiljet e vendosura përgjatë mureve

Kur çdo pjesë e mobiljeve vendoset përgjatë mureve, hapësira në dhomë kontraktohet vizualisht dhe dhoma duket rrëmujë. Në mënyrë që shtëpia juaj të duket e pastër, është më mirë të largoheni nga kjo mënyrë klasike e vendosjes së mobiljeve.

5. Fotografitë në korniza dhe piktura

Vendosja e disa kornizave të ngjashme mund të jetë një ide e mire për dekorin e shtëpisë.

6. Tela

Nëse i fshehni të gjitha telat (nga televizori, kabllot e rrjetit, zgjatuesit dhe pajisjet e karikimit), do të habiteni se sa herë më mirë do duket apartamenti juaj.

7. Mobilje masive

Kur zgjidhni mobilje, sigurohuni të përshtasni madhësinë e apartamentit me madhësinë e mobilerive që do përdorni. Kur mobiljet janë shumë të mëdha ose shumë të vogla, mund ta bëjnë apartamentin të duket shumë i zbrazët ose shumë i parregullt.

8. Perde voluminoze në dritare

Ekziston një rregull që thotë se nuk duhet të ketë më shumë se 2 perde në një dritare. Le të themi, se kjo mund të nënkuptojë një tyl të lehtë dhe 2 perde më masive në anë. Një element i tretë, si në perdet më të rënda, nuk do lejojë rrezet e forta të hyjnë në dhomë dhe apartamenti nuk do duket si duhet.

9. Ndriçim i pamjaftueshëm

Hijet e ndryshme dhe qoshet e pandriçuara shtojnë një ndjenjë të rrëmujës në një dhomë. Nëse dhoma ka mungesë të dritës natyrale, do t’ju duhet ndriçim artificial.

Ka disa truke të dobishme për projektuesit:

Lyejeni tavanin me të bardhë – dhoma do të duket jo vetëm më e pastër, por edhe vizualisht më e madhe.

Përdorni muret dhe tavanin si reflektorë. Për ta bërë këtë, vendosni llambat afër këtyre sipërfaqeve në mënyrë që drita të drejtohet ndaj tyre.

Varni 1 ose 2 pasqyra të mëdha me një kornizë të hollë – ato gjithashtu reflektojnë dritë dhe nuk do të duken të rënda falë kornizës së tyre.