Transformimi në zhvillim përmes investimeve private dhe buxhetore në çdo hallkë të bujqësisë, ka rritur kotributin e këtij sektori në ekonominë e vendit rrjedhimisht dhe në atë familjare.
Gjithashtu bujqësia është sektori i madh në ekonomi dhe ndër të vetmit që nuk u prek direkt edhe nga kriza e pandemisë.
Karantina nuk i ndikoi zonat rurale, puna vazhdoi normalisht, ndërsa kërkesa për produkte bujqësore u rrit, së bashku me eksportet.
Të dhënat nga INSTAT tregojnë se në fund të 2020-s, pesha e bujqësisë ndaj totalit të ekonomisë arriti në 19.3% të Prodhimit të Brendshëm bruto (PBB), nga 18.4% në dy vitet e mëparshme.
Kjo vlerë shënon kështu nivelin më të lartë të kontribut të saj në ekonominë e vendit në këto vitet e fundit.
