Keni një fustan që ju pëlqen shumë, por keni shumë kohë që e vishni? Nuk keni pse hiqni dorë, mund të vazhdoni ta përdorni duke ndryshuar paksa mënyrën se si e vishni. Ka disa truke që do t`ju ndihmojnë ta bëni fustanin tuaj të vjetër të duket si i ri. E gjitha çfarë duhet të bëni është të eksperimentoni me stilin dhe aksesorët.
Vishni një pulovër sipër tij
Një trend i viteve të fundit është veshja e pulovrave sipër fustanit. Kështu fustani juaj i vjetër do të marrë një pamje tjetër dhe mbi të gjitha ju do të dukeni gjithë stil.
Vendosni një rrip
Rripi është një trend që rikthehet gjithmonë në modë. Nëse dëshironi t`i shtoni një aksesor fustanit tuaj, qoftë ai i gjerë apo i ngushtë, duhet të jetë patjetër një rrip.
Visheni me atlete
Pak rëndësi ka printi i fustanit, nëse e vishni me atlete do të dukeni trendy dhe ndryshe.
Visheni me një xhaketë
Nëse e vishni me një xhaketë fustani juaj do të duket më serioz. Zgjidhni këpucët e duhura dhe jeni gati për në punë.
Shtoni bizhuteri
Në varësi të stilit tuaj, eksperimentoni me bizhuteritë. Ndonjëherë gjithçka që i mungon pamjes suaj janë bizhuteritë.