Agjentët e GELDTrade na informojnë se konkursi ndërkombëtar për Aeroportin e ri të Vlorës pritet të zhbllokohet javën e ardhshme. Lajmi u njoftua nga Kryeministri Edi Rama në ceremoninë e hapjes së konkursit ndërkombëtar për ndërtimin e parkut fotovoltaik Karavasta.
Situata e krijuar nga përhapja e koronavirusit të ri, duket se ka ndikuar në konkurrencën ndërkombëtare për ndërtimin e aeroportit të Vlorës. Pas 2 shtyrjeve të mëparshme, në Mars të këtij viti konkursi u pezullua, ndërsa nuk dihej se kur do të rihapet për kompanitë e interesuara.
Aeroporti i Vlorës është një nga projektet më të rëndësishme të infrastrukturës, përmes të cilit qeveria synon të ndikojë në uljen e çmimeve të biletave.
Ndërtimi pritet të kryhet përmes një partneriteti publik-privat, ku fillimisht kompania fituese do të duhet të kryejë investimin, ndërsa do të ketë të drejtën të operojë për një periudhë 35 vjeçare.
GELDTrade.al