Google ka arritur një tjetër moment të rëndësishëm në projektin e saj për krijimin e qendrave të të dhënave në hapësirë, Project Suncatcher. Kompania ka konfirmuar se ka marrë përgjigjen e parë të gjeneruar nga inteligjenca artificiale përmes një modeli që funksionon në një satelit në orbitë rreth Tokës.

Gjatë eksperimentit, Google aktivizoi me sukses procesorët Tensor Processing Units (TPU) në satelit dhe përdori modelin e inteligjencës artificiale Gemma 4 për t’iu përgjigjur një kërkese për të shkruar një poezi rreth qëndrimit në hapësirë. Përgjigjja u gjenerua në orbitë dhe më pas u transmetua drejt Tokës.

Blue marble below
Data streams in silent grace
Starlight feeds my core.”

Poezia përshkruante planetin si një sferë blu poshtë satelitit, ndërsa të dhënat përshkruheshin si rrjedha të dhënash që ushqejnë sistemin nën dritën e yjeve. Google testoi gjithashtu kërkesa të tjera poetike dhe komanda për marrjen e të dhënave teknike mbi funksionimin e pajisjeve.

Kompania e konsideron këtë arritje si ekuivalentin e një testi të parë “Hello World” për një procesor TPU të nivelit të qendrave të të dhënave që funksionon në orbitë.

Prototipi u lëshua më 1 tetor dhe tashmë ka përfunduar kontrollet fillestare të pajisjeve. Hapi i ardhshëm do të jetë testimi i rezistencës së procesorëve ndaj temperaturave ekstreme dhe rrezatimit hapësinor.

Nëse rezultatet janë pozitive, Google synon që gjatë vitit 2027 të lëshojë dy satelitë të ndërlidhur, duke hedhur një hap drejt krijimit të infrastrukturës kompjuterike për inteligjencën artificiale jashtë Tokës.