Aktorja Demi Moore bëri debutimin e saj të papritur në pistë dje (e mërkurë), ndërsa hapi prezantimin virtual të Fendi gjatë shfaqjeve couture në Javën e Modës në Paris.
58 vjeçarja u pa e veshur me një kostum mëndafshi të zi mbi supe me pantallona me këmbë të gjera, vathë gjigand dhe çantë të zezë. Ajo më vonë shkroi në Instagram se ky momentint ishte si “përmbushjen e një ëndrre adoleshence”.
Megjithëse Moore është e njohur për sensin e saj të stilit – dhe për paraqitjet në kopertinat e revistave të modës si Harper’s Bazaar – shfaqja e së mërkurës shënoi shfaqjen e saj të parë të madhe në pistë.
Demi Moore
Moore e përshkroi koleksionin si një “debutim të bukur dhe magjik”. Ajo u ndoq në pistë nga njerëz të fortë të industrisë si Bella Hadid dhe Cara Delevingne. Supermodelet ikonike të viteve ’90 Kate Moss, Naomi Campbell dhe Christy Turlington gjithashtu u shfaqën, ndërsa vajza 18-vjeçare e Moss – Lila Grace ishte një tjetër surprizë në formacionin e mbushur me yje.
Lila Grace
Shfaqja gjithashtu shënoi një debutim për stilistin Kim Jones, i cili po prezantonte koleksionin e tij të parë Couture për Fendi që kur u bashkua me markën shtatorin e kaluar. Jones u shfaq në këtë rast me një koleksion mbresëlënës të pelerinave me rrjedhje të lirë dhe fustane vezulluese të mbrëmjes.
Kim Jones
“Faleminderit kastit të mrekullueshëm që e bëri këtë të ndodhë, miq dhe familje e vërtetë”, shkroi Jones në Instagram pas shfaqjes. “Ju dua të gjithëve!”.
Me kufizimet e COVID-19 që kufizojnë udhëtimet dhe komplikojnë shfaqjet fizike të modës, markat kanë gjetur mënyra të reja për të shfaqur krijimet e tyre. Fendi ishte njëra nga një numër i madh shtëpish mode që prezantuan koleksione në internet si pjesë e Javës Couture vetëm në mënyrë digjitale këtë vit.
Për fund, më poshtë ua sjellim veshjet fantastike nga koleksioni :
