Banka e Shqipërisë bën të ditur se, norma e interesit mesatar (yield) e bonove të thesarit me afat 12-mujor u rrit në nivelin 1.99 %, në ankandin e dytë të muajit janar 2021.
Sipas Bankës së Shqipërisë, në ankandin e mëparshëm, yield-i për bonot me këtë afat, ishte 1.85 %.
Në këtë ankand u shitën 10.2 miliardë lekë bono. Ndërsa BSH-ja ka planifikuar që huamarrja në tregun e brendshëm financiar të rritet në 96.7 miliardë lekë në 3-mujorin e parë 2021.
Ekspertët shprehen se yield-et e bonove 12-mujore janë tregues me ndikim në normat e kredisë në lekë, çka do të thotë që, një rritje e yield-eve të bonove rrit rillogaritjen periodike të kësteve të kredive në monedhën vendase.
