Rritja e pagës minimale nga 34 mijë lekë në 40 mijë lekë është e nevojshme në këtë situatë krize çmimesh.

Por, për ekspertët kjo rritje e fortë e pagës minimale pritet të shoqërohet edhe me efekte të tjera pasi rrit kostot për biznesin dhe mund të nxisë më tej informalitetin në tregun e punës.

Përgjatë harkut kohor të 10 viteve të fundit paga minimale ka ndryshuar 10 herë në rang vendi ku rritja ka qene 1-2 mijë lekë, ndërsa rritja e fundit me 6 mijë lekë është më e madhja e shënuar ndonjëherë në mbi 25 vite.