Samsung Electronics njoftoi sot se Samsung Art Store po pasuron koleksionin e tij me një përzgjedhje ekskluzive prej 30 veprash arti nga British Museum. Koleksioni i kuruar me kujdes, i disponueshëm në televizorët Samsung të pajtueshëm me Art Store, përfshin vepra të John Constable, Joseph Mallord William Turner dhe artistëve të tjerë të njohur.
Koleksioni përfshin peizazhet e Constable që paraqesin fshatrat angleze dhe që njihen për aftësinë e jashtëzakonshme të artistit për të pasqyruar ndryshimet e motit në qiell. Ndërkohë, akuarelet e Turner shtrihen nga pamjet e detit të trazuar deri te peizazhet e Venecias, Romës dhe Zyrihut.
“Ne në Samsung synojmë ta bëjmë artin e nivelit të lartë më të aksesueshëm për të gjithë përmes teknologjisë sonë,” tha Gwiho Lee, Zëvendës President Ekzekutiv i Divizionit të Ekraneve Vizuale (VD) në Samsung Electronics. “Jemi krenarë që, duke sjellë këto vepra të njohura nga British Museum në platformën tonë, mund t’u ofrojmë njerëzve në mbarë botën një mënyrë të thjeshtë për të shijuar artin e periudhave të ndryshme, në komoditetin e shtëpisë së tyre.”
Abonentët e Samsung Art Store do të kenë akses në koleksionin e British Museum. Ata do të mund të shfletojnë lehtësisht përzgjedhjen, të zgjedhin veprën që dëshirojnë të shfaqin në televizorin e tyre dhe ta zëvendësojnë atë me një vepër tjetër në çdo moment.
“Jemi të kënaqur që, përmes bashkëpunimit me Samsung, mund t’u sjellim njerëzve në shtëpitë e tyre edhe më shumë vepra nga koleksioni i muzeut,” tha Lisa San Martin, Drejtore e Përkohshme Komerciale e British Museum. “Shpresojmë që kjo t’i nxisë shikuesit të eksplorojnë veprat që tashmë i njohin, si dhe të zbulojnë ato me të cilat po njihen për herë të parë.”
Prezantimi i këtij koleksioni zgjeron bashkëpunimin e Samsung me British Museum. Samsung është gjithashtu partner korporativ i ekspozitës së muzeut “Korea”, e cila u hap më 1 tetor dhe do të qëndrojë e hapur deri më 31 janar të vitit 2027.
Koleksioni i British Museum do të jetë i disponueshëm në Samsung Art Store duke filluar nga data 6 tetor.
