Samsung ka prezantuar SmartTag3, gjeneratën e re të pajisjes së saj për gjurmimin e sendeve, tre vite pas SmartTag2. Risia më e rëndësishme është mbështetja ndër-platformë, pasi SmartTag3 mund të përdoret edhe nga përdoruesit e iPhone, duke e bërë më praktik për familjet me pajisje Android dhe iOS.

Pajisja është 35% më e vogël dhe 33% më e lehtë se paraardhësi. Samsung ka hequr unazën e integruar për çelësa, ndaj për ta lidhur me çelësa apo çanta nevojitet një nga kasat e reja me silikon dhe lak. Nga ana tjetër, dimensionet më të vogla e bëjnë më të lehtë vendosjen e saj brenda valixheve apo sendeve të tjera.

SmartTag3 përdor Bluetooth 6.0 Channel Sounding dhe funksionin Compass Vieë, duke ofruar informacion për drejtimin dhe distancën deri në 60 metra, rreth tre herë më shumë se gjenerata e mëparshme. Në distanca të afërta mund të përdoret edhe UËB, nëse telefoni është i pajisur me këtë teknologji.

Rrjeti Galaxy Find Netëork përfshin rreth 900 milionë pajisje në mbarë botën, të cilat mund të ndihmojnë në gjetjen e një SmartTag të humbur. Pajisja përmban gjithashtu NFC për Lost Mode, ndërsa funksionet e reja përfshijnë njoftime kur objekti hyn ose del nga një zonë, kur lëviz apo kur përdoruesi largohet prej tij.

SmartTag3 ka certifikim IP67 dhe ofron deri në 550 ditë autonomi, ose 790 ditë me Poëer Saving Mode.

SmartTag3 do të dalë në Korenë e Jugut më 7 tetor, ndërsa më pas do të mbërrijë në SHBA dhe tregje të tjera.