Sfidë epike në “San Siro”, Interi dhe Juventusi e mbyllin ndeshjen 4-4

Interi dhe Juventusi kanë dhuruar një spektakël të rrallë në “San Siro”, në duelin e mbyllur me shifrat 4-4 mes dy skuadrave që rivalizojnë për titullin kampion në Serinë A.

Sfida nisi e ndezur që në pjesën e parë, pasi Interi kaloi ne avantazh me penalltinë e Zielinskit, por u përmbys nga golat e Vlahoviç dhe Weah. Mkhitarian dhe penalltia e dytë e Zielinskit sollën përmbysjen zikaltër para fundit të pjesës së parë që u mbyll me shifrat 3-2.

Në fraksionin e dytë të lojës, Interi gjeti edhe golin e katërt me anë të Dumfirs dhe shpërdoroi disa mundësi për të pestin. Kur nuk shënon do ta pësosh dhe kjo u vërtetua më së miri pas morisë së rasteve të humbura, kur Yilldiz i futur nga pankina shënoi dy herë radhazi në portën e Sommer, për të vulosur një barazim spektakolar 4-4 mes dy skuadrave.