Një vepër arti e preferuar, një fotografi që rikthen kujtime të bukura apo një listë këngësh që ndryshon humorin. Janë detajet që i japin shtëpisë një karakter personal dhe që ndikojnë në përjetimin tonë përmes më shumë se një shqise. Me televizorët Samsung The Frame dhe The Frame Pro, si dhe me altoparlantët Music Frame dhe Music Studio, arti, tingulli dhe dizajni bëhen pjesë e së njëjtës histori: historisë suaj.

Dita po mbaron ngadalë. Ndizni një abazhur, vendosni albumin tuaj të preferuar dhe rehatoheni në divan. Në anën tjetër të dhomës, vepra e artit harmonizohet me ngjyrat e ngrohta të jastëkëve dekorativë dhe rrezet e fundit të diellit që hyjnë nga dritarja. Pak më vonë, e njëjta dhomë do të shndërrohet në vendin ideal për një mbrëmje filmash. Por, për momentin, është thjesht këndi juaj i preferuar për t’u çlodhur.

I kushtojmë shumë rëndësi zgjedhjes së mobilieve, tekstileve dhe ndriçimit, sepse ato ndikojnë në mënyrën se si ndihemi në një ambient. E njëjta vëmendje meriton edhe teknologjia. Një televizor apo altoparlant është pjesë e hapësirës ku jetojmë çdo ditë dhe ndikon në pamjen e saj shumë përpara se të shtypim butonin e luajtjes.

Televizorët dhe altoparlantët Samsung të linjës Lifestyle sjellin pikërisht këtë qasje në shtëpi, duke u dhënë pajisjeve të njohura, përveç rolit të tyre në argëtim, edhe një vend të rëndësishëm në krijimin e estetikës së ambientit.

Një vepër tjetër arti, një atmosferë e re

Ndonjëherë, mjafton një pikturë e re për t’i dhënë ambientit një pamje të freskët. Një peizazh krijon ndjesinë e hapësirës, një kompozim abstrakt sjell ngjyra, ndërsa një fotografi personale i shton një prekje intime këndit tuaj të preferuar në shtëpi.

Samsung The Frame e sjell këtë fleksibilitet edhe te televizori. Kur nuk po shikoni përmbajtjet tuaja të preferuara, ekrani mund të shfaqë vepra arti ose fotografi personale përmes modalitetit Art. Dizajni i hollë, i frymëzuar nga kornizat e pikturave, dhe kornizat dekorative të ndërrueshme e bëjnë atë të përshtatet natyrshëm me elementet e tjera që keni zgjedhur për shtëpinë tuaj.

Kështu, mund të eksperimentoni lehtësisht me kombinime të ndryshme. Zgjidhni një vepër arti që harmonizohet me tonet e ngrohta të vjeshtës në ambientin tuaj, krijoni një kontrast të guximshëm ose gjeni një motiv të qetë për mbrëmjet kur dëshironi të lexoni një libër. Në Samsung Art Store mund të eksploroni vepra nga muze dhe galeri, si dhe krijime artistësh, duke ndërtuar një koleksion që pasqyron shijen tuaj personale.

The Frame Pro e çon këtë përvojë një hap më tej. Teknologjia e figurës Neo QLED ofron një përvojë mbresëlënëse shikimi, ndërsa ekrani me teknologjinë kundër reflektimeve Glare Free ndihmon në reduktimin e reflektimeve shpërqendruese. Zgjidhja me lidhje pa tela One Connect ju lejon të lidhni pajisjet e jashtme të përputhshme me një njësi të veçantë, e cila transmeton sinjalet e tyre drejt televizorit pa tela, duke ju dhënë më shumë liri në organizimin e hapësirës përreth tij.

Kështu, televizori kalon natyrshëm nga një rol në tjetrin: gjatë darkës, shfaqet si një vepër arti në mur, ndërsa me skenën e parë të filmit bëhet qendra e vëmendjes.

Kujtimet tuaja të preferuara, të shoqëruara me muzikën e duhur

Disa nga objektet më të çmuara në shtëpinë tonë janë edhe më të thjeshtat: një fotografi nga pushimet, një portret familjar apo një ilustrim që kemi zbuluar gjatë një fundjave larg shtëpisë.

Samsung Music Frame e sjell këtë prekje personale edhe te altoparlanti. Dizajni në formën e një kornize mundëson vendosjen e një fotografie të printuar ose të një vepre arti, duke e bërë pajisjen pjesë të arredimit të shtëpisë. Një fotografi nga një udhëtim i paharrueshëm mund të zërë vend në ambientin tuaj, ndërsa muzika që luhet prej saj rikthen një pjesë të atij momenti të veçantë.

Lidhjet Wi-Fi dhe Bluetooth mundësojnë transmetimin e lehtë të muzikës, pavarësisht nëse po përgatisni mëngjesin, po gatuani darkën apo po bisedoni me miqtë. Mbështetja për Dolby Atmos i jep tingullit më shumë hapësirë dhe thellësi, ndërsa funksioni Q-Symphony mundëson riprodhimin e sinkronizuar të audios përmes Music Frame dhe televizorëve Samsung të përputhshëm.

Është një kombinim ideal për një ambient ku çdo objekt është zgjedhur me kujdes: një fotografi personale që tërheq vëmendjen dhe muzikë që mund ta shijoni sa herë të dëshironi.

Jepuni ritualeve tuaja të përditshme kolonën zanore që meritojnë

Një mëngjes i qetë të dielën dhe një mbrëmje me miqtë të premten kërkojnë muzikë të ndryshme. Tingulli mund të ndryshojë energjinë e një ambienti brenda pak sekondash, edhe kur gjithçka tjetër mbetet e njëjtë.

Samsung Music Studio 5 dhe Music Studio 7 i japin kësaj përvoje muzikore edhe një identitet të veçantë vizual. Të dy modelet karakterizohen nga koncepti i dizajnit Dot, krijuar nga stilisti Erwan Bouroullec, i cili ndërthur format e pastra gjeometrike me linjat e buta e të rrumbullakosura. Me pamjen e tyre skulpturore, ato bëhen pjesë e arredimit, duke merituar të njëjtën vëmendje në përzgjedhje si një abazhur apo një objekt dekorativ.

Music Studio 5 është një zgjedhje kompakte për të sjellë muzikën në ambientet e përditshme të shtëpisë. Përfytyroni një listë këngësh relaksuese teksa pini kafen e parë të ditës ose albumin tuaj të preferuar ndërsa përgatitni një vakt. Me transmetimin pa tela, mund të zgjidhni lehtësisht muzikën që i përshtatet momentit.

Për një përvojë audio edhe më gjithëpërfshirëse, Music Studio 7 përdor një konfigurim me 3.1.1 kanale, që e shpërndan tingullin përpara, anash dhe lart. Mbështetja për audio me rezolucion të lartë nxjerr në pah edhe detajet më të imta të muzikës, duke e kthyer një mbrëmje dëgjimi në një përvojë të veçantë. Kur lidhet me televizorë Samsung të përputhshëm, funksioni Q-Symphony mundëson gjithashtu integrimin e tij në një sistem të sinkronizuar argëtimi në shtëpi.

Një hapësirë, shumë mënyra për t’u ndier si në shtëpi

E njëjta dhomë ndenjeje mund të jetë vendi i një mëngjesi të qetë, i një pasditeje plot gjallëri me familjen ose i një mbrëmjeje filmash që zgjat deri vonë. Atmosfera e saj ndryshon në varësi të njerëzve që e mbushin, imazheve që i rrethojnë dhe muzikës që zgjedhin.

Televizori The Frame dhe altoparlantët Music Frame e Music Studio ofrojnë mënyra të ndryshme për t’i dhënë formë këtyre momenteve. Një vepër arti i jep ambientit karakter vizual. Një fotografi i shton një prekje personale. Muzika i jep ritëm. Së bashku, këto pajisje na ftojnë ta shohim teknologjinë si pjesë të arredimit dhe të përvojës sonë në shtëpi: duke e zgjedhur jo vetëm për funksionalitetin, por edhe për pamjen, tingullin dhe mënyrën se si përshtatet me stilin tonë të jetesës.

Sillni artin dhe tingullin në shtëpinë tuaj me ofertat speciale të vjeshtës

Nga 19 tetori deri më 22 nëntor 2026, blerësit që blejnë televizorë të përzgjedhur The Frame ose The Frame Pro te partnerët pjesëmarrës në promocion mund të përfitojnë një altoparlant Music Frame si dhuratë. Detajet për modelet e përfshira në promocion dhe kushtet e ofertës mund të gjenden pranë partnerëve pjesëmarrës. Klientët e rinj mund të eksplorojnë gjithashtu shijen e tyre artistike me një abonim falas tre mujor në Samsung Art Store. Promocioni zhvillohet nga 19 tetori deri më 31 dhjetor 2026 dhe vlen për televizorët Samsung që plotësojnë kriteret e ofertës, përfshirë modelet e përzgjedhura The Frame dhe The Frame Pro. Për të përfituar nga oferta, përdoruesit që plotësojnë kushtet duhet të regjistrohen në aplikacionin Samsung Art Store deri më 31 dhjetor 2026.