Çantat e plazhit nuk janë vetëm një nga aksesorët më të nevojshëm në plazh, por dhurojnë edhe një look të freskët plot ngjyra. Në këtë verë do të rikthehen copat e lehta si pambuku, për ata që duan çanta më të thjeshta, ndërsa për adhurueset e stilit janë çantat e thurura me fije kashte.
- Le Pandorine
Për këtë verë marka Le Pandorine propozon një çantë plazhi me kashtë dhe doreza prej cope. Nuk mungon as shkrimi tipik i markës që shenjon modelin e çantës “Serendipity”.
- YNot? Milano
Një shpërthim ngjyrash janë çantat e markës YNOT? Milano. Çantat e plazhit të koleksionin capri janë aksesori perfekt për një look të shkëlqyer gjatë ditëve në breg të detit.
- H&M
Për ditët që duhet të kaloni në plazh brand-i low cost H&M propozon një çantë prej cope me viza, që kujton motivin “marinar”. E përsosur për ata që duan të kenë një stil të thjeshtë. Po ashtu, H&M ka hedhur në treg edhe modelin e thurur me fije kashte, që është një nga tendencat e modës këtë verë.
- Mango
Për verën e 2020-ës Mango propozon çanta me gjethe palme dhe kokosi si dhe modele me thurje. E shkëlqyer për t’u përdorur si për ditët në pishinë, ashtu edhe për shëtitjet në breg të detit.
- Liu Jo
Kushtuar atyre që nuk duan të heqin dorë nga stili dhe eleganca edhe nën çadër, Liu Jo ka hedhur në treg çantën e plazhit të realizuar me letër tekstile, në një ngjyrë neutrale, me doreza prej cope me viza për të dhuruar sharm dhe stil.
- MC2 Saint Barth
Ngjyroseni verën tuaj me çantën e plazhit prej cope Canvas të markës MC2. Modeli Saint Barth ka dhjetëra variante, njëra më e ngjyrosur se tjetra, për t’ju dhuruar një look harmonik dhe argëtues
