Aktorja e njohur turke, Serenay Sarıkaya, ka tërhequr vëmendjen e mediave pas paraqitjes së saj në Javën e Modës në Paris, ku mori pjesë në sfilatën e organizuar nga marka L’Oréal.

Paraqitja e saj në pasarelë, e cila zgjati rreth 20 sekonda, thuhet se ka zgjuar interesimin e një marke ndërkombëtare, e cila raportohet se i ka ofruar aktores një bashkëpunim të ri reklamues.

Sipas mediave turke, përfshirë Akşam, oferta në fjalë mund të jetë me vlerë miliona, ndërsa Sarıkaya pritet të shqyrtojë kushtet e mundshme të marrëveshjes.

Megjithatë, deri më tani nuk është bërë i ditur emri i markës që pretendohet se ka paraqitur ofertën, as shuma e saktë e saj. Po ashtu, nuk ka konfirmim zyrtar se marrëveshja është finalizuar.

Nëse bashkëpunimi realizohet, aktorja mund të rikthehet në Evropë për xhirimet e një fushate ndërkombëtare reklamuese.

Serenay Sarıkaya ka qenë edhe më herët në qendër të vëmendjes për marrëveshjet e saj me marka të njohura. Sipas raportimeve të mëparshme në mediat turke, një kontratë e saj reklamuese njëvjeçare ishte përfolur për një vlerë prej 30 milionë lirash turke.

Për momentin, mbetet të shihet nëse oferta e re do të konkretizohet në një marrëveshje zyrtare. /Prive By LS